NASA Artemis 2 aı mıssııasyn keıinge shegergenin málimdedi

ASTANA. KAZINFORM — NASA Aıdy aınalyp ushýy tıis tórt astronavt minetin zymyrandaǵy aqaýǵa baılanysty Artemis 2 aı mıssııasynyń keıinge shegerilgenin habarlady.

Boeing kompanııasy qurastyrǵan Space Launch System (SLS) zymyrany Florıda shtatyndaǵy Kennedı atyndaǵy ǵarysh ortalyǵyna qaıta jetkiziledi. Onda zymyrandy kókke kóterýge qajetti gelıı otynymen qamtamasyz etetin júıedegi anyqtalǵan aqaý jóndeledi.

Artemis 2 mıssııasynyń ushyrylýy 6 naýryzǵa josparlanǵan edi. Osyǵan baılanysty ekıpaj quramyndaǵy úsh amerıkalyq jáne bir kanadalyq astronavt qatań karantınnen óte bastaǵan edi. Endi mıssııanyń keıinge qaldyrylýyna baılanysty bul karantın toqtatylady.

Mıssııa aıasynda ekıpaj Aıdy aınalyp ushýy tıis, alaıda onyń betine qoný josparlanbaǵan. Bul 1972 jylǵy jeltoqsanda júzege asqan Apollon-17 mıssııasynan beri alǵash ret jasalatyn qanatqaqty Aıdy aınalyp ushý jobasy bolmaq.

Eske sala keteıik, Ilon Mask aldaǵy 10 jylda Aıda qala salady.