NASA aqpanda ǵaryshkerlerdi adamzat tarıhyndaǵy eń alys saparǵa attandyrady

ASTANA. KAZINFORM – Amerıkalyq ǵarysh agenttigi NASA «Artemıda-2» (Artemis II) mıssııasyn 2026 jylǵy aqpan aıynda iske qosýdy josparlap otyr. Bul sońǵy 50 jylda alǵash ret adamdardyń Aıǵa sonshalyq jaqyn ushýy jáne Jerden osynshalyqty alysqa attanýy bolmaq, dep habarlaıdy BBC.

NASA buǵan deıin mıssııanyń ushyrylýyn 2026 jylǵy sáýirden keshiktirmeımiz dep málimdegen edi, alaıda qazir tórt astronavt on kúndik saparǵa aqpan aıynda attanady dep boljanyp otyr.

«Artemıda-2» mıssııasy «Artemıda» baǵdarlamasy aıasyndaǵy ekinshi ushyrý bolmaq.

Baǵdarlamanyń basty maqsaty – astronavtardy Aı betine qondyrý jáne ýaqyt óte kele onda uzaq merzimdi qatysýdy qamtamasyz etý.

NASA ákimshisiniń kómekshisi mindetin atqarýshy Lakısha Hokıns bul adamzattyń ǵaryshty ıgerýindegi mańyzdy kezeń ekenin atap ótti.

«Biz tarıhtyń kýágeri bolyp otyrmyz. Ushyrý terezesi 5 aqpanda ashylýy múmkin, biraq eń bastysy – qaýipsizdik ekenin basa aıtqym keledi», – dedi ol baspasóz máslıhatynda.

Ekıpaj:
– Gregorı Rıd Ýaızmen – komandır;
– Vıktor Glover – ushqysh;
– Krıstına Kýk – mıssııa múshesi;
– Djeremı Hansen – mıssııa múshesi.

Bul ekıpaj adamzat tarıhyndaǵy eń alys ǵarysh saparyn júzege asyratyn alǵashqy top bolady.

Aıta keteıik, Úndistan ǵaryshqa adam tárizdi robot jiberedi.