NASA adamzattyń ómirine qaýip tónip kele jatqanyn aıtty
ASTANA. QazAqparat - Ǵalymdar jahandyq janartaýlardyń atqylaýy asteroıdtarǵa qaraǵanda áldeqaıda zor apattarǵa ákep soqtyratynyn eskertip otyr, dep jazady The Independent.
Alyp janartaýlardyń atqylaýynan Jer betinde egin ónimdiligi kúrt qysqaryp, mıllıondaǵan adamdardyń ashtyqtan qyrylýyna, janartaýlyq qystyń túsýine sebep bolady. NASA mamandary osyndaı boljam jasap otyr.
Qazir uıqydaǵy 20 alyp janartaýdyń biri atqylaǵannyń ózinde adamzatqa alapat zııan jetedi. Al eń qaýipti alapat janartaý retinde ǵalymdar AQSh-tyń Vaıomıng shtatyndaǵy Ielloýston janartaýyn ataıdy. Biraq mundaı alyp janartaýlardyń eshqaısysy jaqyn júzjyldyqtarda oıana qoımaıdy.
Basylymnyń jazýynsha, Amerıka ulttyq ǵarysh agenttigi sýperjanartaýlardyń qaterin joıý boıynsha birneshe jospar jasap shyqqan. Onyń máni kúrdeli tehnıkalyq jáne tehnologııalyq qımyldar algorıtminde jatyr. Sondaı varıanttardyń biri janartaýdy «salqyndatý» úshin úlken kólemde sý bólý jospary bolýy múmkin.
