NASA adamdardy Marsqa qashan jiberetinin málimdedi

ASTANA. KAZINFORM – Amerıka Qurama Shtattary 2030 jyldardyń basynda Marsqa mıssııa jiberýdi josparlap otyr. Bul týraly foxnews.com jazdy. 

– Biz aldymen Aıǵa paıdaly júkterdi jiberip, onda baza salýdy bastaımyz. Sodan keıin 2030 jyldardyń basynda Marsqa baramyz... Bul 8 aılyq mıssııa bolady, - dedi NASA basshysynyń mindetin atqarýshy Shon Daffı.

Onyń aıtýynsha, 2026 jyldyń kókteminde tórt ǵaryshker Aıdy aınalyp ushyp, odan keıin Aıǵa qonyp, onda 812 kún bolady. Osy ýaqytqa deıin Aıda eń uzaq bolý merzimi 3 kúndi qurady.

Amerıkalyq mıllıarder Ilon Mask 2026 jyldyń sońyna qaraı Marsqa Optimus atty gýmanoıd roboty bar Starship ǵarysh kemesin jiberýdi josparlap otyr. Onyń aıtýynsha, bul mıssııa sátti bolsa, adamdar 2029 jylǵa qaraı Marsqa qonýy múmkin. Degenmen mıllıarder bul oqıǵanyń 2031 jyly bolýy yqtımal ekenin atap ótti. 

NASA-ny qaıtadan kúshti etý jáne Marsqa adamdardy jiberý boıynsha jumys isteý úshin Mask óziniń dosy, ǵaryshta eki ret bolǵan mıllıarder Djared Aızekmandy NASA basshysy laýazymyna shaqyrdy. AQSh prezıdenti Donald Tramp ta kandıdatýrany qoldady. Alaıda maýsym aıynda Maskpen kelispeýshilikterge baılanysty Shon Daffı NASA basshysynyń mindetin atqarýshy bolyp taǵaıyndaldy. 

Eske sala keteıik, NASA Ýrannyń 29-shy serigin tapqanyn habarlady.