NASA: 2015 jyly Jerde aptap ystyq bolady
ASTANA. QazAqparat - 2015 jyly Jerde qatty ystyq bolmaq. Mundaı qorqynyshty boljamdy jer sharynyń turǵyndaryna Amerıkanyń ǵarysh stansasynyń mamandary jasap otyr.
Ol sońǵy jyldardaǵy temperatýralyq ózgeristerge negizdelgen.
1880 jyly klımatty turaqty baqylaý bastalǵaly temperatýralyq aýytqýshylyq jıi tirkeletin boldy. Al jyldyq ortasha joǵary temperatýralar birinen keıin biri: 1995, 1997, 1998, 2005 jáne 2010 jyldary arta túsken.
Ótken qyrkúıekte ortasha temperatýra Tselsıı boıynsha 15,7 gradýs boldy. Ol sońǵy 135 jyldaǵy kezekti rekord bolyp tabylady. Aǵymdaǵy jyldyń toǵyz aıynda aýanyń ortasha temperatýrasy 14,7 gradýsty qurady, dep habarlady «An-Onlaın» portaly.
NASA mamandary bıylǵy jyldy 1998 jyldan bastap eń ystyǵy dep sanaýǵa bolady deıdi. Alaıda kelesi jyldyń jazynda ǵalamshardyń túrli aımaqtarynda aptap ystyq baıqalady. Olardyń keıbiri qurǵaqshylyqqa ákelýi múmkin.
