NASA: 2014 jyly Jerge 100 tonna ǵarysh qoqysy tústi
ASTANA. QazAqparat - Ótken jyly zymyran, spýtnık jáne ózge de ǵarysh apparattarynyń 600-den astam synyǵy Jerge túsip bara jatqanda atmosferanyń qalyń qabatynda tolyq ne jarym-jartylaı kúıip ketken.
Mundaı málimetterdi BUU beıbit maqsatta ǵarysh keńistigin paıdalaný boıynsha komıtetine NASA mamandary usyndy, dep habarlady Informing portaly.
Ótken jyly túsken ǵarysh qoqysy aldaǵy jyldarǵa qaraǵanda áldeqaıda kóbirek bolǵany atalyp ótildi.
Amerıkalyq mamandardyń esepteýinshe, «metall qoqystarynyń» jalpy kólemi 100 tonnadan asty. Sarapshylar ǵarysh qoqysynyń qandaı kólemi jerge jetkenin aıtpady, synyqtardan adamdar japa shekpedi.
NASA málim etkendeı, mundaı «jaýynnyń» arqasynda ǵarysh áldeqaıda tazardy.
