NASA 1969 jyly Aıda bolǵan sómkeni baıqamaı satyp jibergen
ASTANA. QazAqparat - Amerıkandyq NASA ǵarysh agenttigi 1969 jyly Nıl Armstrongtyń aıdaǵy úlgilerdi jınaýǵa qoldanǵan sómkesin baıqamaı satyp jiberip, endi zańgerler arqyly sómkeni qaıtarýǵa kúsh salýda.
Bul týraly russian.rt.com habarlady.
Ótken jyly tehnıkalyq aqaý bolyp, Illnoıs turǵyny Nensı Karlson sómkeni bar-joǵy 995 dollarǵa satyp alǵan edi. Sómkeniń túpnusqalyǵyn rastaý úshin ony NASA agenttigine jibergende, nasalyqtar bir túsinispeýshiliktiń bolǵanyn bilgen.
Ǵarysh agenttigi «ulttyq múlik bolmasa da, sırek artefakt bolyp sanalatyn» sómkeni qaıtaryp alýdy uıǵaryp, federaldy prokýrorlarǵa júgingen. Óz kezeginde Nensı Karlson sómkeni ózinde qaldyrý úshin qarsy shaǵym jazǵan.
1969 jyly amerıkandyq ǵaryshkerler Nıl Armstrong pen Bazz Oldrın Aı betine qonǵan tuńǵysh adamdar atandy.
Foto: space.com
