Naryqqa taksı qyzmetin usynatyn basqa da kompanııalardy tartý kerek - mınıstr
Búgin Májilistegi Úkimet saǵatynda depýtat Elnur Bısembaev túrli onlaın servıste 500 myńnan asa qazaqstandyq jumys isteıtinin, onyń ishinde 200 myńǵa jýyǵy adam ıAndeks Taksı qosymshasy arqyly nápaqasyn taýyp otyrǵanyn aıtty.
«ıAndeks taksı qosymshasy taksı júrgizýshilerinen alatyn komıssııasy 18 – 22 paıyz aralyǵynda. Bul ne degen dúnıeqorlyq? Birinshiden, Básekelestikti qorǵaý agenttigi qaıda qarap otyr? Bul turǵyda Qazaqstannyń salyǵynan da kóp komıssııa alynady? 200 myńǵa jýyq adamnyń sonshama komıssııasy qazaqstandyq emes uıymǵa qarajat retinde ketip jatyr. Nege osyny baqylaýǵa almaısyzdar? Ekinshiden, ıAndeks taksıge balama retinde Qazaqstannyń qosymshasy joq. Reseıge túrli sanktsııa salynyp jatyr. Birneshe el ıAndeks taksıdiń jumysyn toqtatty. Erteń 200 myń qazaqstandyq bir kúnde jumystan syrtqa qalyp qoıý qaýpi bar. ıAndeks taksı qosymshasynda 200 myń adam jumys isteıdi degen aqparat naqty emes. Onda qansha qazaqstandyq jumys isteıdi? Qazaqstanda ıAndeks taksıge básekeles bolatyn qazaqstandyq qosymshany oılastyrý josparda bar ma?», - dedi depýtat.
Óz kezeginde QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Qazaqstanda osyndaı qosymsha jasaýǵa birneshe adam oǵan talpynǵanyn, alaıda júzege asyra almaǵynan aıtty.
«Ony jasaý úshin tek qana qarajat emes, jaqsy tolyqqandy komanda kerek. Birtindep bul baǵytta jumys júrip jatyr. Tıis qosymshalar elimizde tabysty bolyp jatyr. Bizge DiDi (taksı salasynda) degen qytaılyq operator keldi ǵoı, sosyn ketip qaldy. Osy oraıda ıAndeks jalǵyz qaldy. DiDi kelse, ekeýi jumys istese, básekelestik orta bolsa, mundaı baǵalar bolmas edi degen oıdamyn. Sondyqtan osy turǵyda tergeýler júrgizilip jatyrmyz. Al biz DiDi-men bizdiń naryqqa kelýi boıynsha qaıtadan kelissóz júrgizip jatyrmyz. Basqa elderdi de qaradyq, damyǵan úsh kompanııa bar: ıAndeks, DiDi, Uber», - dedi mınıstr.
Budan buryn habarlanǵandaı, bıyl 4 naýryzdan bastap Qazaqstandaǵy DiDi taksıi óz qyzmetin toqtatatynyn málimdedi.
Aıta keteıik, DiDi – taksı, karsherıng jáne raıdsherıng qyzmetterin kórsetetin qytaılyq konglomerat. Kompanııa 2012 jyly Beıjiń qalasynda qurylǵan. Qazirgi ýaqytta kompanııa Eýropa, Azııa, Aýstralııa, Latyn Amerıkasyndaǵy elderde mıllıondaǵan adamǵa qyzmet kórsetedi.