Narkolog T.Qoıshybaev demalystardy araq-sharappen ótkizý ádetinen arylýǵa úndedi
ASTANA. 10 qazan. QazAqparat - Qazaq halqy úshin alkogolızm - eldiń sanasyna sińip úlgermegen «aýrý». Sondyqtan odan arylýǵa bolady.
Bul týraly búgin Astanadaǵy konferentsııa barysynda Medıtsınalyq-áleýmettik ońaltý ortalyǵynyń narkolog-dárigeri Toqtar Qoıshybekov aıtty.
«Negizi, alkogolızm Qazaqstanǵa II Dúnıejúzilik soǵystan keıin keldi. Bylaısha qaraǵanda, ol derttiń qazaqqa juqqanyna 50 jyldan asty. Degenmen, basqa halyqtarmen salystyrǵanda, biz úshin ol eldiń sanasyna áli sińip úlgermegen «aýrý» bolyp sanalady. Sondyqtan odan barynsha arylý qajet. Menińshe, eń aldymen, demalys ýaqytyn araq-sharapsyz ótkizýge úırený kerek. Ókinishke qaraı, qazirgi kezde qazaqtardyń kóbisi onsyz otyra almaıdy. Biraq men ózim salaýatty ómir saltyn ustanyp otyrǵan biraz otbasylardy bilemin. Olardyń basqosýlary da óte kóńildi ótedi. Mine, osyndaı dástúrdi keńinen taratý qajet dep oılaımyn», - deıdi T.Qoıshybaev.
