Narkolog dáriger naýqastan aqsha talap etken

QARAǴANDY. QazAqparat - Qaraǵandy oblysy Jańaarqa aýdany ortalyq aýdandyq emhanasynyń narkolog dárigeri narkologııalyq esepten shyǵarý tegin bolsa da, naýqastan aqsha talap etken, dep habarlaıdy QazAqparat tilshisi. 

«Bul týraly aqsha talap etkenin rastaıtyn WhatsApp aýdıotaspasyn jibergen aýdan turǵynynan bildik. Ol dáriger emhanada 20 jyldan astam ýaqyt jumys istegen. Qazir azamattardyń arasynda jemqorlyqty qabyldaý deńgeıi ózgerip jatyr jáne onymen kúresý úshin óz úlesin qosýǵa daıyn adamdar sany artyp keledi», - dep atap ótti Jemqorlyqtyń aldyn alý basqarmasynyń basshysy Islambek Maıshekın.

Habarlama QR Memlekettik qyzmet isteri jáne sybaılas jemqorlyqqa qarsy is-qımyl agenttigi Qaraǵandy oblystyq departamentiniń call-ortalyǵyna  «Qoǵamdyq baqylaý kartasy» jobasy aıasynda tústi. Departament qyzmetkerleri oblystyq densaýlyq saqtaý basqarmasymen birlesip tekserý júrgizip, sonyń nátıjesinde narkolog dáriger jumystan bosatyldy.