Narıman Tabynbaev Almatyda vaktsınalaý qarqynyn arttyrý qajettigin aıtty

ALMATY. QazAqparat - Almatyda vaktsınalaý qarqynyn arttyrý qajet, óıtkeni jaǵdaı nasharlaýy múmkin. Bul týraly qalalyq qoǵamdyq densaýlyq basqarmasynyń basshysy Narıman Tabynbaev aıtty, dep habarlaıdy QazAqparat tilshisi.

Onlaın brıfıng barysynda basqarma basyshysy koronavırýs ınfektsııanyń «tórtinshi tolqyny» áli aıaqtalmaǵanyn eske saldy.

«Epıdemııalyq jaǵdaıdyń jaqsarýy koronavırýstyń tórtinshi tolqyny aıaqtaldy degendi bildirmeıdi.Sondyqtan vaktsınalaý qarqynyn arttyrý kerek, óıtpegen jaǵdaıda vırýs qaıta órshýi múmkin. Búginde vaktsınanyń birinshi komponentin 899 784 adam, ekinshi komponentin 779 870 turǵyn»,- dedi ol.

Spıkerdiń sózinshe, bul jetkiliksiz, óıtkeni ujymdyq ımmýnıtet áli qalyptaspady.

«Eger biz indetke qarsy sharalardy saqtamasaq, epıdemıologııalyq jaǵdaı ushyǵyp ketedi. Ásirese, qazir oqýshylar men stýdentter oflaın oqýǵa kóshken kezde saq bolýymyz kerek», - dedi Narıman Tabynbaev.