Narıman Qurbanov sporttyq gımnastıkadan álem kýbogi kezeńinde jeńimpaz atandy
ASTANA. QazAqparat - Ázerbaıjan astanasy Bakýde ótip jatqan sporttyq gımnastıkadan álem kýbogy kezeńinde qazaqstandyq Narıman Qurbanov jeńimpaz atandy, dep habarlaıdy QazAqparat tilshisi.
Qazaqstandyq gımnast saıys barysynda 15,300 upaı jınap, jeńis tuǵyryna kóterildi.
Ol el quramasy qorjynyna ekinshi altyn medal saldy. Buǵan deıin erkin baǵdarlamada Mılad Karımı úzdik atanǵan edi.
Eske salsaq, Narıman Qurbanov Katar astanasy Dohada ótken sporttyq gımnastıkadan álem kýbogi kezeńinde ekinshi oryn alǵan edi.
