Narıman Qurbanov Slovenııadaǵy álem kýbogy kezeńiniń fınalyna shyqty
ASTANA. KAZINFORM — Slovenııanyń Koper qalasynda sporttyq gımnastıkadan Challenge Cup kezeńiniń alǵashqy irikteý kúni aıaqtaldy, dep habarlaıdy UOK baspasóz qyzmeti.
Іrikteý nátıjesi boıynsha Qazaqstan quramasynyń eki ókili fınalǵa joldama aldy.
At snarıadyndaǵy jattyǵýda Narıman Qurbanov 14,900 upaı jınap, fınaldyq kezeńge birinshi orynmen shyqty.
Zeınolla Idrısov ta medal úshin synǵa túsedi. Іrikteýde ol tóreshilerdiń sheshimimen 14,266 upaı jınap, úshinshi orynǵa turaqtady.
Saqınalardaǵy jattyǵýda Roman Mamenov 13-orynmen jarysty aıaqtady.
Aıta keteıik, týrnırdiń fınaldyq básekeleri 30 mamyrda bastalady.
Buǵan deıin Narıman Qurbanov Germanııadaǵy álem kýbogy kezeńinde qola medal alǵanyn jazǵanbyz.
