Narıman Kýrbanov Germanııadaǵy álem kýbogy kezeńinde qola medal aldy

ASTANA. KAZINFORM – Kotbýs qalasynda (Germanııa) ótip jatqan sporttyq gımnastıkadan 2026 jyldyń alǵashqy álem kýbogynda Qazaqstan qorjynyna medal tústi.

Týrızm jáne sport mınıstrligi Sportty damytý dırektsııasynyń baspasóz qyzmeti habarlaǵandaı, bul dodada Narıman Kýrbanov tutqaly at snarıadyndaǵy jattyǵýda qola medal ıelendi. 

Otandasymyz fınalda 14.933 ball jınady. Taǵy bir otandasymyz Zeınolla Ydrysov aqtyq synda 4-satyǵa jaıǵasty (14.933 upaı). 

Tutqaly at snarıadyndaǵy júldegerler:

1. Gabrıele Targetta (Italııa) 15.000

2. Mamıkon Hachatrıan (Armenııa) 14.966

3. Narıman Kýrbanov (Qazaqstan) 14.933.

Eske sala keteıik, buǵan deıin Olımpıada chempıony Mıhaıl Shaıdorovty daıarlaýǵa bólingen qarjy kólemi jarııalanǵanyn jazǵan edik.