Narıman Dúısekeev QTJ baspasóz qyzmetine taǵaıyndaldy
ASTANA. KAZINFORM – Narıman Dúısekeev «Qazaqstan temir joly» ulttyq kompanııasy BAQ-pen jumys jónindegi departamentiniń dırektory qyzmetine taǵaıyndaldy. Bul týraly ol áleýmettik jelidegi paraqshasynda málimdedi.
– Beıimdelýge ýaqyt bolǵan joq. Dúısenbiden bastap «Qazaqstan temir joly» UK» AQ-nyń BAQ-pen jumys jónindegi departament dırektory qyzmetine taǵaıyndaldym, – dep jazdy Narıman Dúısekeev.
Onyń aıtýynsha, alǵashqy kúnderden bastap «Samuryq-Qazyna» AQ Qoǵamdyq keńesi aıasynda ótken brıfıngke daıyndyq bastalǵan.
– Brıfıng mazmundy ári nátıjeli ótti dep esepteımin. Qysqa merzim ishinde sapaly daıyndyq júrgizýge kompanııanyń baspasóz qyzmeti men beıindi qurylymdyq bólimsheleriniń úılesimdi jumysy múmkindik berdi, – dedi ol.
Narıman Dúısekeev aldaǵy negizgi mindetterdiń biri aqparattyq jumysty júıeli ári ashyq júrgizý ekenin atap ótti. Sonymen qatar BAQ-pen baılanysty nyǵaıtý, kommýnıkatsııa sapasy men jedeldigin arttyrý mańyzdy baǵyttardyń biri bolatynyn jetkizdi.
Narıman Dúısekeev buǵan deıin Jolaýshylar tasymaly kompanııasynda baspasóz hatshysy, Azamattarǵa arnalǵan úkimet memlekettik korporatsııasynda basqarýshy dırektor, sondaı-aq Zerde National Infocommunication Holding qurylymynda túrli qyzmetter atqarǵan.
Aıta keteıik, Erjan Dúısekenov Soltústik Qazaqstan oblysynyń prokýrory laýazymyna taǵaıyndaldy.
