Naryǵymyzdy tamaq ónimderimen áli kúnge tolyq qamtamasyz ete almaı otyrmyz – Bektenov

ASTANA. KAZINFORM – Búgin Úkimet otyrysynda Premer-mınıstr Oljas Bektenov mınıstrler men ákimderge talantty kásipkerlerge durystap qoldaý kórsetýdi tapsyrdy.

– Nátıjeler bar dep aıtýǵa bolady. Biraq, osy baǵytta, ıaǵnı tamaq óndimderin óndirý baǵytynda áleýet óte joǵary. Biz áli kúnge deıin óz naryǵymyzdy tolyǵymen qamtamasyz ete almaı júrmiz. Múmkindikter bar. Mysaly, men keshe Astanadaǵy «Táp-tátti» kompanııasyna bardym. Kishigirim kondıterlik tsehtan bastap, 4-5 jyldyń ishinde úlken zaýyt salyndy. 1,5 myń adam jumys istep jatyr. Qazirgi syrtqy naryqtarǵa da shyǵý jospary bar. Kúnine 20 tonna ónim óndiriledi. Kompanııa ıeleri 50, sodan keıin 100 tonnaǵa jetkizýdi josparlap otyr, - dedi Úkimet basshysy.

Onyń atap ótýinshe, osyndaı kásipkerlerdi qoldaý, durys kórsetý, nasıhattaý kerek.

– Kásipkerlikpen aınalysý árıne, kez kelgen adamnyń qolynan kele bermeıtin dúnıe. Biraq, talanty bar adamdardy barynsha qoldaýymyz kerek. Osyndaı kásipker - árbir memlekettiń negizgi tiregi. Ony durystap túsine bilý kerek. Barlyq Úkimet múshelerine, ákimderge aıtatynym, osyndaı kásipker ár óńirde bar. Olarǵa barynsha durystap qoldaý kórsetińizder, - dedi Oljas Bektenov.

Aıta keteıik, otyrysta Aýyl sharýashylyǵy mınıstri Aıdarbek Saparov maıly daqyldar ósimdik sharýashylyǵynyń tabystylyq draıverine aınalǵanyn aıtty.