Nárestesin poıyzdan laqtyryp jibergen áıelge májbúrli em taǵaıyndaldy

QARAǴANDY. KAZINFORM –  Qaraǵandy kólik prokýratýrasy «Qaraǵandy-Suryptaý–Sarybel» aralyǵynda jolaýshylar poıyzynda bolǵan qaıǵyly oqıǵa boıynsha sot tergeýin aıaqtady. 

20 sáýirde poıyz jolaýshylarynyń biri tolǵaǵy kelip, vagonnyń sanıtarlyq bólmesinde bosanyp qalǵan. Bosaný medıtsınalyq mekemeden tys jáne tıisti kómek kórsetilmeı júzege asqan.

— Tergeý barysynda anyqtalǵandaı, psıhıkalyq aýrýmen esepte turǵan áıel aýrýynyń asqyný kezeńinde jańa týǵan náresteni sanıtarlyq shuńqyrǵa tastap jibergen. Sábı temir jol relsterine qulap, jaraqat alǵan.

Qaraǵandy oblysynyń Osakarov aýdandyq soty áıeldi qylmystyq is-áreket jasaǵan sátinde esi durys emes bolǵan dep tanyp, ony arnaıy medıtsınalyq mekemede májbúrlep emdeý týraly qaýly shyǵardy, — delingen Bas prokýratýra habarlamasynda.

Sot aktisi zańdy kúshine engen joq. 

Aıta ketelik qyz zorlap, 13 jyl jasyrynyp júrgen kúdikti Qyrǵyzstannan ekstradıtsııalanǵan edi.