Nárestelerdiń shetineýi men ana ólimi kórsetkishteri jaǵynan Qazaqstan Ortalyq Azııadaǵy ózge elderdiń sońynda- Erbolat Musabekov
ALMATY. 7 shilde. QazAqparat /Erlik Erjanuly/ - Qazaqstan nárestelerdiń shetineýi jaǵynan 2007 jylǵy kórsetkishke qaıta jaqyndap kele jatyr. Bul búgin Almatyda ótip jatqan "Ortalyq Azııadaǵy ólim-jitim" dep atalatyn halyqaralyq semınarda aıtyldy.
" Qazaqstan 2008 jyly Dúnıejúzilik densaýlyq saqtaý uıymynyń uıǵarymy boıynsha, balalardyń týǵan kezdegi tirkelýi boıynsha óleshemin tolyq qabyldady. Sol kezde 2007 jylǵa qaraǵanda bir jylda nárestelerdiń shetineýi 1,5 ese óskeni baıqalǵan edi. Biz 2007 jylǵy deńgeıge bul kórsetkish boıynsha endi ǵana qaıta jaqyndap kele jatyrmyz", - deıdi QR Statıstıstıka agenttiginiń Áleýmettik jáne demografııalyq statıstıka departamenti dırektorynyń orynbasary Erbolat Musabekov.
Onyń aıtýynsha, Qazaqstan qazir nárestelerdiń shetineýi men ana ólimi jaǵynan Ortalyq Azııanyń ózge elderiniń sońynda. Máselen, ana ólimi 100 myń tiri týǵan balaǵa 100-ge deıin jetken kezder boldy. Qazaqstan nárestelerdiń týǵannan keıingi ómirsheńdigi boıynsha aldyńǵy orynda keledi. BUU halyqtyń qonystanýy qorynyń sýbaımaqtyq keńsesiniń dırektory Nıkolaı Botevtiń aıtýynsha, Ortalyq Azııadaǵy ózge elderde statıstıkalyq qyzmet áli asa joǵary deńgeıde emes. Qazaqstan bul salada ózgelerden kósh ilgeri kele jatyr.
