Narendra Modı Úndistanda bılikti qolǵa alýǵa ázirlenýde
ASTANA. QazAqparat - Úndistan premer-mınıstri bolyp saılanǵan Narendra Modı óziniń jeńisin dinı joralǵylarmen jáne jaqtastarynyń shattanǵan kezdesýlerimen atap ótýde. Onyń aldynda eleýli ekonomıkalyq mindetter tur, dep habarlady Bı-Bı-Sı.
Senbi kúni keshte 63 jastaǵy saıasatker Ganga ózeniniń jaǵasyndaǵy úndilikter úshin qasıetti Varanası qalasynda minájat etti.
Onyń saılaý aldyndaǵy ýádeleriniń biri qasıetti ózendi ındýstrııalyq qaldyqtardan tazartý bolatyn.
Modı parlamenttiń tómengi palatasyna Varanasıdan saılanǵan bolatyn, sondyqtan da óziniń týǵan okrýgine at basyn burýǵa asyqty. Sonymen birge baıqaýshylar onyń dinı senimi kúshti ekenin atap ótýde.
Túske deıin ol óziniń jeńisin el astanasy Delıde toılady, onda Modıdi rok-juldyz sııaqty qarsylady, dep habarlady Bı-Bı-Sı tilshisi Sandjaı Mahýmder.
Modı basqaratyn Bhatarııa djanata partııasynyń shtab-páterine barar jolda kóshe boıy jınalǵan adamdar onyń esimin urandap, jalaýlar bulǵap, onyń kortejin gúldermen kómip tastady.
Qaýipsizdikti polıtsııamen qatar armııa sarbazdary da qamtamasyz etti.
Kelesi aptada Narendra Modı laýazymyna kirispek. Onyń aldyndaǵy úkimet basshysy, saılaýda jeńilis tapqan Úndistan ulttyq kongresiniń ókili Manmohan Sıngh resmı túrde qyzmetinen ketti.
Bhatarııa djanata partııasy sońǵy 30 jylda Úndistanda aıqyn basymdylyqpen jeńiske jetti, endi ol eshkimmen koalıtsııaǵa túspeı-aq úkimetti qalyptastyra alady.
«Úndistan halqyna basymdy ıemián», - dep málimdedi Modı Delıde.
