Narazylyqqa qaramastan, Barak Obama Dalaı lamamen kezdesti
BEIJІŃ. 18 shilde. QazAqparat /Rýslan Súleımenov/ - Senbi, 16 shilde kúni Aq úıde AQSh Prezıdenti Barak Obamanyń Dalaı lamamen kezdesýi boldy.
Bul kezdesý Qytaı tarabynyń narazylyǵyna qaramastan ótti. Aq úıdiń habarlaýynsha, AQSh Prezıdenti, Tıbetti Qytaıdyń bólshegi retinde qarastyratynyn taǵy da málim etip, Dalaı lamany Beıjińmen dıalog ornatýǵa shaqyrdy jáne sonymen qatar «Tıbettiń biregeı dinı, mádenı jáne tildik dástúrlerine» qoldaý bildirdi.
Qytaı SІM resmı ókimi Ma Chjaosıýı, Obama men Dalaı lamanyń kezdesýinen keıin, jeksenbi, 17 shilde kúni málimdeme jasap, AQSh-tyń bul qadamy Qytaıdyń ishki isterine aralasý ekenin, qytaı halqynyń kóńiline qaıaý túsirip, qytaı-amerıkan qatynastaryna zııan keltirip otyrǵanyn aıtty.
Beıjiń Dalaı lamanyń qyzmetin «Qytaıǵa qarsylyq jáne separatıstik» dep sanaıdy jáne «ony saıası emıgrant» retinde qarastyrady. Qytaı Syrtqy ister mınıstrliginiń málimdemesinde, Tıbet isiniń Qytaıdyń ishki problemasy ekeni atap kórsetildi.
Qytaıdyń Syrtqy ister mınıstrligi amerıkan tarabynan «Qytaıdyń ishki isine aralasýdy, Tıbettiń táýelsizdigin qoldap otyrǵan Qytaıǵa qarsy separatıstik kúshterge qoldaý kórsetýdi toqtatýdy» talap etti.
QazAqparat buǵan deıin habarlaǵandaı, Qytaı ókimeti AQSh Prezıdenti Barak Obamanyń Dalaı lamamen kezdespeýin talap etken edi. Esterińizge sala keteıik, Dalaı lama 1959 jyldan beri Úndistanda qýǵanda júr. Dalaı lamanyń óz málimdemesi boıynsha, ol Tıbettiń Qytaıdan táýelsizdigin emes, onyń keń avtonomııalyǵyn maqsat etedi.
