Narazylyq bildirýshi kásipkerler Táýelsizdik alańyna túnep shyqty
ASTANA. 23 qarasha. QazAqparat - Kıevte qabyldanǵan jańa Salyq kodeksine narazylyq bildirýshi kásipkerler dúısenbi kúni tańerteńnen beri narazylyq aktsııasyn ótkizip jatqan Táýelsizdik alańyn ázirge bosatqylary joq. 23 qarashaǵa qaraǵan túnde uıymdastyrýshy belsendiler alańda tigilgen shatyrlarda túnep shyqty. Bul týraly "Interfaks" agenttigi málimdep otyr.
Mıtıngini uıymdastyrýshy qozǵalysqa qatysýshy top ókilderiniń biriniń aıtýynsha, salyq reformasyna narazylyq bildirýshi kásipkerler osy joldy tańdaý arqyly bıliktiń nazaryn aýdaryp, óz ustanymdaryn nyǵaıtýdy kózdeýde. Olar narazylyq bildirýshilerge basqa jańa top legi kelip qosylatyndyǵyna úmitti. Belsendiler tigilgen shatyr mańyna kúzetshiler qoıylǵan. Jýrnalısterdiń esebi boıynsha alańda tigilgen shatyrlarda túnde nebári júzge tarta qatysýshylar qalǵan. Kúndiz olardyń sany birneshe myńdaǵan adamǵa jetken bolatyn.
