Narazylyq, otstavka, sahnada qulaý: «Álem arýy» nesimen este qaldy

ASTANA. KAZINFORM — Meksıka arýy Fatıma Bosh sulýlyq baıqaýyna daıyndyq kezinde janjal shyǵarǵanyna qaramastan «Álem arýy» ataǵyn jeńip aldy. Taılandta ótken baıqaýda uıymdastyrýshylardyń biri onyń minez-qulqyn synaǵan, dep habarlaıdy VVS.

Bul sulýlyq baıqaýyndaǵy bir ǵana janjal emes. Aqtyq máre aldynda eki tóreshi uıymdastyrýshylardy birjaqty dep aıyptap, otstavkaǵa ketetinin jarııalady. 

Fınalǵa eki kún qalǵanda Ulybrıtanııa men ıAmaıkadan kelgen úmitkerler daıyndyq kezinde sahnada qulap qaldy. Sahnada súringen ıamaıkalyq arýdy dárigerler zembilge salyp, aýrýhanaǵa jetkizdi.

Meksıkalyq arýdyń daýy baıqaý aıaqtalǵannan keıin de jalǵasty. Bul joly onyń jeńisin moıyndamaǵandar shý shyǵardy. Áleýmettik jelidegi pikirler ekige bólindi. Sebebi Taıland arýy Pravınar Sıngh jeńimpaz bolady dep boljanǵan. Ol uzaq ýaqyt boıy jeńiske basty úmitker bolǵan. Alaıda baıqaý qorytyndysy boıynsha birinshi vıtse-mıss retinde ekinshi orynǵa ıe boldy.

Úshinshi oryn venesýelalyq Stefanı Abasalıge buıyrsa, fınaldyq bestikke fılıppındik Ma Ahtısa Manalo men Kot-d’Ivýar arýy Olıvııa ıAse de kirdi.

Aıta keteıik, buǵan deıin «Álem arýy» baıqaýynda uıymdastyrýshy úmitkerdi balaǵattaǵany týraly jazdyq.