Narazylyq bildirýshilerdiń qaqtyǵysynan keıin Tramp Los-Andjeleske Ulttyq gvardııany jiberdi

ASTANA. KAZINFORM – Donald Tramptyń ákimshiligi Los-Andjeleske Ulttyq gvardııanyń 2 myńǵa jýyq sarbazyn jiberetinin málim etti, dep habarlaıdy VVS.

Kalıfornııa shtatynda ornalasqan bul qalada ekinshi kún qatarynan basym bóligi latynamerıkalyq aýdan turǵyndarynan quralǵan halyq pen Kóshi-qon jáne keden qyzmetiniń federaldy agentteriniń (ICE) arasynda qaqtyǵys bolyp jatyr.

ICE ókilderi Paramaýnt aýdanynda tobyrdy taratý úshin kózden jas shyǵaratyn gaz ben shoqpar qoldandy. Pentagon basshysy áskerdiń de qoldanylýy múmkindigin joqqa shyǵarmady.

-Olarǵa kúsh kórsetýshi bolmańdar. Beıbit jolmen áreket etińder, -dedi narazylyq bildirýshilerge Kalıfornıa gýbernatory Gevın Nıýsom.

Kalıfornııa gýbernatory jáne kólemi jaǵynan ekinshi qalanyń meri Aq úıdi arandatty eldi qorqytýǵa árekettendi dep aıyptady.

Tramp óziniń Truth Social áleýmettik jelisindegi paraqshasynda gýbernatorǵa qatań jaýap qaıtardy.

- Eger olar Bass ekeýi ózderine júktelgen mindetti atqara almasa, onda federaldy úkimet tártipsizdik pen maraderlar máselesine aralasatyn bolady, - dedi.

Buǵan deıin AQSh-tyń apellıatsııalyq soty Donald Tramptyń Associated Press (AP) agenttiginiń jýrnalısterin Aq úı men prezıdenttik ushaqqa ýaqytsha kirgizbeýine ruqsat bergeni týraly jazdyq.