Narazy top Bangladeshtiń burynǵy premer-mınıstriniń úıin órtep jiberdi

ASTANA.KAZINFORM - Bangladeshte narazylyq bildirýshiler bılikten qýylǵan premer-mınıstr Sheıh Hasınanyń burynǵy úıin, sondaı-aq onyń partııasynyń basqa da músheleriniń úıin qıratyp, órtep jiberdi, dep jazady VVS.

Наразы топ Бангладештің бұрынғы премьер-министрінің үйін өртеп жіберді
Фото: ВВС

Tártipsizdikter Hasınanyń áleýmettik jeli arqyly ultqa úndeý jasamaq ekeni týraly habarlamalardan keıin bastaldy. Ol ótken jyly stýdenttik narazylyqtar saldarynan elden ketýge májbúr bolyp, qazir Úndistanda qýǵynda júr.

Sársenbi kúni keshke Hasınanyń marqum ákesi, Bangladeshtiń birinshi prezıdenti bolǵan Mýdjıbýr Rahmannyń úıi qıratyldy. Ǵımarat bul kúnderi murajaıǵa aınalǵan edi.

Hasınanyń ákesi táýelsizdik úshin kúresken qaharman sanalǵanymen, qyzyna degen narazylyq onyń dańqyna kóleńke túsirdi.

Facebook arqyly tikeleı efırge shyqqan Hasına shabýyldy aıyptap, «ádilettilik» talap etti.

- Olar ǵımaratty qıratýy múmkin, biraq tarıhty óshire almaıdy, - dedi ol.

Sársenbi kúni narazylyq bildirýshiler «Avamı lıgasy» partııasy kóshbasshylarynyń úıleri men bıznesterin qıratyp, órtep jiberdi.

Polıtsııa VVS-ge sársenbi kúni keshke rezıdentsııa aldyna 700-ge jýyq narazylyq bildirýshi jınalǵanyn jáne tártip saqtaý úshin polıtsııa qyzmetkerleri tartylǵanyn aıtty.

Aıta keteıik, Bangladesh premer-mınıstri Sheıh Hasına júzdegen adamnyń ólimine ákelgen jappaı narazylyqtar aıasynda otstavkaǵa ketip, elden ketken edi.

Сейчас читают