Napoleonnyń jeke zattary qoıylǵan murajaıdan qundy jádigerlerdi jymqyryp ketti
ASTANA. QazAqparat - Avstralııada baýkespeler túnde Melbýrnnan shamamen 60 shaqyrym jerde ornalasqan Braıers murajaıyna basyp kirip, Napoleon 1 Bonoparttyń (1769-1821) jeke zattarynyń ishinen onnan astam eksponattardy qoldy etken.
Urlanǵan zattardyń ishinde kúmis sııasaýyt, temeki saýyty, medalon, sondaı-aq onyń estelik jazba jazylǵan lentasy bar, dep habarlaıdy ITAR-TASS.
Polıtsııa kúzet dabyly iske qosylǵannan keıin, 10 mınýttan soń murajaıǵa shuǵyl jetken, alaıda qaskúnemder bul ýaqytta izderin sýytyp ta úlgergen. «Qaraqshylar qylmysqa jan-jaqty daıyndalyp kirisken sııaqty, óıtkeni urlaıtyn zattarynyń qaı jerde turǵanyn anyq bilgen», - dep málimdedi detektıv Maıkl Lem. Sondaı-aq ol azamattarǵa eger qymbat jádigerlerdi satýǵa usynys jasaǵan jaǵdaılar oryn alsa, dereý quqyq qorǵaý organdaryna habarlasýlaryn ótindi.
