Napoleonnyń bas kıimi 1,9 mln eýroǵa satyldy
ASTANA. QazAqparat - Ońtústikkoreıalyq kollektsıoner 1,9 mln eýroǵa Napoleon Bonaparttyń belgili bas kıimin aýktsıonda satyp aldy. 1800 jylǵy Marengo túbindegi shaıqasta Frantsııanyń bolashaq ımperatory osy bas kıimde bolǵan eken, dep jazady VVS.
Aıta ketý kerek, jalǵyz qalpaq qana emes, Bonaparttyń júzdegen kıimi satylǵan aýktsıon Fontenblo qalasynda ótti.
Aýktsıon úıi Imperatordyń bas kıimin 300-400 myń eýroǵa baǵalaǵan, alaıda sarapshylar onyń budan áldeqaıda qymbat baǵaǵa satylatynyn boljaǵan. Aıtqandaı, bul bas kıimge ońtústikkoreıalyq kollektsıoner 1,5 mln. eýro usynǵan. Komıssııa tólemderimen bul soma 1,9 mln eýroǵa deıin ósken.
Ekiburyshty bas kıim bizdiń zamanǵa deıin jetken Napoleonnyń 19 bas kıiminiń biri. Tarıhı tulǵada, keı tarıhı derekterge saı, 120 qalpaq bolǵan.
Ekiburyshty bas kıim sol zamannyń áskerı formasyna jatqan. Alaıda, Napoleon ózgelerden erekshelenip, ony kóldeneńnen kıgen. Bul onyń urys alańynda kózge túsýi úshin kerek bolǵan desedi.
