Napoleonnyń ańyzǵa aınalǵan arǵymaǵynyń tuıaǵy tabyldy
ASTANA. QazAqparat - Ulybrıtanııada oılamaǵan jerden frantsýz ımperatory Napoleonǵa (1769-1821 jj.) tıesili arab arǵymaǵy - Marengonyń tuıaǵyn taýyp aldy.
Brıtandyq BAQ-tardyń habarlaýynsha, ol eldiń ońtústik-shyǵysyndaǵy bir fermerdiń úıinen shyqqan.
Belgili bolǵandaı, Somersettegi fermerdiń úıindegi shkaftan Marengonyń tuıaǵy tabyldy. Times basylymynyń derekterine qaraǵanda, bul olja zat Napoleon Vaterloo túbindegi urysta jeńilgennen keıin 202 jyldan soń kezdeısoq jasalǵan. Tuıaq tabylǵan úı sol kezdegi dáýletti otbasynyń ıeliginde bolǵan kórinedi. Olar aty ańyzǵa aınalǵan Marengony frantsýz ımperatorynyń armııasy 1815 jyly tas-talqan bolyp jeńilgennen keıin satyp alǵan.
Aıǵyrdy Ulybrıtanııadaǵy fermada 1831 jylǵa deıin qashan qulap qalǵansha ustaǵan. Arǵymaq 38 jyl ómir súrdi. Keıinnen onyń qańqasyn Londondaǵy Chelsı aýdany aýmaǵyndaǵy Armııanyń ulttyq mýzeıine qoıǵan.
Bir qyzyǵy, qańqanyń aldyńǵy aıaǵynyń tuıaǵy bolmaǵan. At ólgennen soń ıesi ofıtser Angersteın odan temeki salatyn quty jasaǵan. Tamaqtan keıin shaqyrylǵan qonaqtar jaǵalaı kúmispen bezendirilgen qutydaǵy temekini ıiskeıtin bolǵan.
