Napoleonnyń áshekeıleri qoldy bolǵan: Parıjdegi Lývrge ury tústi

AQTÓBE. KAZINFORM – Urlyq jaıynda naqty málimetter áli tolyq jarııalanǵan joq. Lývr ákimshiligi atalǵan jaǵdaıǵa baılanysty murajaı bir kúnge jabylatynyn málimdedi, dep habarlaıdy Kazinform euronews.com saıtyna silteme jasap.

Frantsııanyń eń úlken murajaıy Lývrdy tonap ketti. Frantsııanyń mádenıet mınıstri Rachıda Datı áleýmettik jelide oqıǵanyń tańerteń bolǵanyn jáne zardap shekkenderdiń joqtyǵyn habarlady. 

– Men murajaı qyzmetkerlerimen jáne polıtsııamen birgemin, - dep qosty ol.

Naqty ne urlanǵany belgisiz. 

Oqıǵanyń qalaı bolǵany jáne naqty neniń urlanǵany ázirge tolyq habarlanbady. Biraq frantsııalyq BAQ-tardyń málimetinshe, Napoleon men ımperatrıtsanyń zergerlik buıymdar toptamasynan 9 zat, onyń ishinde alqa, brosh, dıadema jáne basqa da zergerlik buıymdar qoldy bolǵan. 

Osy oqıǵaǵa baılanysty murajaı kúni boıy jabyq boldy. 

Eske sala keteıik, osyǵan deıin Frantsııa prezıdenti álemdegi eń kóp baratyn murajaıdy jańǵyrtý úshin kúrdeli jóndeý júrgiziletinin málimdegen bolatyn.