Napoleon semseri Qazaqstannyń ulttyq mýzeıine qoıyldy
ASTANA. QazAqparat - Elordada «Shyǵys jáne Batys: memlekettik Ermıtaj jınalymynan kóne qarý-jaraq» kórmesinen ımperatorlardyń saıys qylyshtary men serilik saýyt-saımandardy, qanjarlardy kórýge bolady, dep habarlaıdy qala ákimdiginiń medıa ortalyǵy .
«Kórmege qarý-jaraq óneriniń úzdik týyndylary qoıylǵan. Ekspozıtsııada 70-ten astam jádiger: Túrkııa, Iran, Úndistan, Japonııa, Frantsııa, Italııadan jáne de ózge memleketterden jaýyngerlik, ańshylyq, sherýlik qarýlar jetkizildi», dep málim etti QR Ulttyq mýzeıiniń ekskýrsııalyq qyzmet kórsetý bóliminiń ádiskeri Qumar Júnisov.
-Kórmeniń jylnamalyq shegi qarý-jaraq qolóneriniń 400-den astam jyl boıǵy damý tarıhı kezeńin - XV ǵasyrdan XIX ǵasyr sońyna deıin qamtıdy, - dedi Q.Júnisov.
Kórme qarýlardyń damý tarıhynan jáne olardy jasaýshy sheberlerdiń talantynan syr shertedi.
- Jádigerlerliń arasynda erekshe qarý bar - ol Napoleon Bonaparttyń semseri. Ony ol ımperator І Aleksandrǵa Tılzıttik beıbitshilik kelisimine qol qoıý kezinde syıǵa tartqan,- dep atap ótti Júnisov.
Qarý-jaraq óneriniń ekspozıtsııasy halyqaralyq EKSPO kórmesiniń ótýine oraılastyrylǵan jáne 20 qyrkúıekke deıin jalǵasady.
