Napoleon Mysyrdan alyp kelgen Quran bássaýdadan alynyp tastaldy
ASTANA. 6 maýsym. QazAqparat - Frantsııada Napoleon Egıpetten alyp kelgen Quran Kaırdegi baıyrǵy jáne bedeldi «Ál-Azhar» ýnıversıteti ımamdarynyń talap etýimen bássaýdadan alynyp tastaldy.
Endi Fontenbloda Osenat bássaýda úıiniń 9 maýsymǵa belgilengen sharasy qasıetti kitapsyz ótetin boldy.
Qundy jádiger Napoleonnyń 1798 jylǵy Egıpetke jasaǵan joryǵynda Kaırdegi «Ál-Azhar» ýnıversıtetiniń janyndaǵy meshitten alynǵan. Bássaýda jaıynda qulaǵdar bolǵan Mysyrdaǵy meshit ımamy Parıjdegi egıpettik ókildik arqyly bássaýdanyń uıymdastyrýshylarynan Qurandy alyp tastaýdy ótingen.
«Biz egıpettik taraptyń ótinishin jerge tastamaı, kitapty bássaýdadan alyp tastaýdy uıǵardyq», - dep atap ótti bássaýda úıiniń ókili Jan-Per Osen.
