Nanobólshekter bedeýliktiń emin taýyp beretin boldy
ASTANA. 19 qarasha. QazAqparat - Ǵalymdar atalyq uryqqa nanobólshekterdi bekitýge qol jetkizdi.
Bul - bedeýlikti anyqtap, jumyrtqa jasýshasyna dári jetkizý úshin qolǵa alynyp otyrǵan ádis.
Bul jaıly Ria.ru habarlaıdy. Oksford ýnıversıtetiniń zertteýshisi Natalıa Barkalınanyń aıtýynsha, bos konvert tárizdi nanobólshekter jasýshanyń ishine ornalastyrylady. Nanobólshekter - shekarasy bar, qatty fazaly oqshaý nysan, olardyń kólemi 1-100 nanometr bolady. Ǵalymdar olardy kemirgishterdiń uryǵyna engizýdiń amalyn tapty. Aǵzaǵa engen bólshekter spermamen árdaıym birge bolyp, mamandar solar arqyly qajetti aqparatqa qol jetkizbek. N.Barkalınanyń aıtýynsha, erkek kemirgishterdiń jynystyq jasýshalary adamdikimen birdeı. Sol sebepti keleshekte bedeýliktiń sırek kezdesetin túrin tereńirek zertteýge múmkindik týyp otyr, dep jazady «Alash aınasy» gazeti.
