Nannyń baǵasy jyl boıyna ózgermeýi tıis - A. Mamytbekov
ASTANA. Tamyzdyń 27-si. QazAqparat /Qanat Mámetqazyuly/ - Qazaqstanda jyl boıyna nannyń baǵasy ózgermeýi tıis. Búgin «QazAgro» ulttyq basqarý holdıngi» AQ basshysy Asyljan Mamytbekov jýrnalıstermen ótken brıfıngte osylaı málim etti.
«Nannyń baǵasyna astyq pen unnyń baǵasynan bólek, energııa tasymaldaǵyshtar, jalaqy men ótelimder de úlken áser etetini belgili. Osyny eskere kele, Aýyl sharýashylyǵy mınıstrligi, Básekelestikti qorǵaý jónindegi agenttigi búgingi kúnde nan baǵasyndaǵy astyqtyń jeke qunyn eseptep shyqtyq. Astyqtyń baǵasy tonnasyna 26 myń teńge shamasynda bolyp otyr», dedi A. Mamytbekov.
Onyń aıtýynsha, osy baǵamen astyq satý arqyly óndiristik tizbek rentabeldi bola bastaıdy jáne nan baǵasyn ustap turýǵa jaǵdaı jasalady. «Sondyqtan da, biz astyqty osy baǵamen satyp alý arqyly jyl boıyna nan baǵasyn ózgertpeý múmkindigine kepildik beremiz», dedi A. Mamytbekov.
