Nannan artyq salmaq úshin «aıyp» alyndy
ASTANA. 23 mamyr. QazAqparat - Ispanııanyń Las-Palmas de Gran Kanarııa qalasyndaǵy ýnıversıtettiń ǵalymdary ár adamnyń as mázirinde mindetti túrde nan bolý kerektigin qadap aıtýda.
Al as atasy symbatty tulǵa bitimin buzady dep oılaý, mamandardyń pikirinshe - qatelik.
Ispandyq sarapshylar mundaı tujyrymǵa aýqymdy taldaý jumystarynan keıin kelgen: mamandar sońǵy 30 jylda jarııalanǵan dıetologııa, semirý jáne dándi daqyldardyń adam aǵzasyna áseri týraly ǵylymı jumystardy egjeıli-tegjeıli zerttep shyqty.
Nátıjesinde, nannyń artyq salmaq problemasyna jáne semirýge esh qatysy joq degen tujyrym jasady. Onymen qosa, bul taǵamnyń quramyna jasalǵan túbegeıli zertteý nandy qoldaný, kerisinshe, salmaqty túsirýge kómektesedi eken.
Ǵalymdardyń pikirinshe, adamnyń qandaı nandy qoldanatyndyǵynda aıyrmashylyq joq, meıli ol - qara, aq ne kebek qosylǵan bolsa. Artyq salmaǵy bar adamdardyń ózine de nandy as mázirlerine qosqan durys. Sebebi olardyń aǵzalaryna zııandy nan emes, quramynda qanttyń úlken kólemi bar, myqyn aýmaǵyna, keıin barlyq denege maıdyń jınalýyna alyp keletin - nan-toqash ónimderi tıgizedi.
