Nankınde jasóspirimder Olımpıadasy bastalýyna sanaýly saǵattar qaldy
ASTANA. QazAqparat - Búgin Qytaıdyń Nankın qalasynda jasóspirimder arasyndaǵy II jazǵy Olımpııalyq oıyndar bastalady.
Aıtýly doda 16 tamyzdan 28 tamyzǵa deıin sozylady. Oǵan Qazaqstan quramasy sapynan 51 sportshy qatysady. Bizdiń saıypqyrandar Qytaı eline 12 tamyz kúni attanǵan bolatyn.
Komanda quramyndaǵy sportshylardyń bári saıysqa joldamany kóptegen elderdegi qurdastarymen tartysty shaıqas ústinde jeńip aldy. Quramaǵa respýblıkanyń 13 oblysy jáne Astana men Almaty qalalarynyń ókilderi endi. Olar sporttyń 21 túri boıynsha synǵa túsedi. Sonyń ishinde boks, jeńil atletıka, kúres, myltyq atý, taekvondo, aýyr atletıka sııaqty sport túrleri bar.
