Nankınde alǵashqy altyn medaldyń ıegeri anyqtaldy
ASTANA. QazAqparat - Keshe Qytaıdyń Nankın qalasynda bastalǵan jasóspirimderdiń II jazǵy Olımpııalyq oıyndarynyń alǵashqy medaldar jıyntyǵy da oınalyp bitti. Alǵashqy altyndy avstralııalyq trıatlonshy qyz Brıttanı Datton qanjyǵasyna baılady. Bul týraly egemen.kz jazady.
Juldyzy janǵan Datton úsh túrli qashyqtyqty 59 mınýt 56 sekýndta kókteı ótti. Márege ekinshi bolyp jeńimpazdan 37 sekýndqa artta qalǵan AQSh ókili Stefanı Djenks keldi. Úshinshi oryn tuǵyryryna frantsýz qyzy Emılı More kóterildi.
Alǵashqy altyn medal ıegerin Halyqaralyq olımpııalyq komıtettiń prezıdenti Tomas Bah arnaıy baryp quttyqtady.
Munyń sońyn ala pnevmatıkalyq tapanshamen 10 metrden nysana kózdeýshi qyzdar da medal úlesine túsip ketti. Onda 196,9 ball jınaǵan Polıak qyzy Agata Novak top jardy. Reseılik Margarıta Lomova 194,4 upaımen ekinshi satyǵa ornalasty. Al úshinshi bolǵan koreıalyq Kım Mı Djýn 175,4 upaı jınady.
