Nankın Olımpıadasynyń jeńimpazdary 25 myń AQSh dollardan syıaqy aldy
ASTANA. QazAqparat - Astanalyq Garden Inn Astana qonaqúıinde Sporttyq jekpe-jek jáne kúsh qoldanylatyn sport túrleri konfederatsııasynyń sport túrleri boıynsha Nankınde (Qytaı) ótken II jazǵy Jasóspirimder Olımpııalyq oıyndarynyń jeńimpazdary men júldegerlerin marapattaý rásimi ótedi.
«Memleket basshysy N. Á. Nazarbaevtyń saıasatynyń arqasynda elde sport serpindi damyp keledi. Jyl saıyn bizde iri, álemdik deńgeıde jarystar ótedi. Sportshylarymyz barlyq iri halyqaralyq jarystarǵa qatysyp júr. ІІ Jasóspirimder Olımpııalyq oıyndarynda da bizdiń jas sportshylarymyz ózderin kórsete bildi. Olar bizde de laıyqty sportshylar bar ekenin dáleldedi», dep atap ótti Mádenıet jáne sport vıtse-mınıstri Tastanbek Esentaev óziniń kirispe sózinde.
Budan keıin jeńimpazdarǵa konfederatsııa qurǵan jekemenshik kompanııalar qaıyrymdylyǵy esebinen aqshalaı syılyqty tabystaý rásimi ótti. Sporttyq jekpe-jek jáne kúsh qoldanylatyn sport túrleri konfederatsııasynyń kúres túrleri boıynsha ІІ jazǵy Jasóspirimder oıyndarynda altyn medal ıelengen sportshylarǵa 25 myń AQSh dollary berildi. Kúmis medal ıegerine 15 myń dollar buıyrsa, al qola júldegerler 10 myń dollardy ıelendi.
Jas qazaqstandyq sportshylardan basqa aqshalaı syılyqty QR UQK aǵa bapkerleri, jeke bapkerler, qurama komandalar mamandary aldy.
Rásimge konfederatsııa, federatsııa, Mádenıet jáne sport mınıstrliginiń ókilderi, belgili qazaqstandyq sportshylar Arman Chılmanov pen Nurjan Qataev qatysty.
Kúnniń birinshi jartysynda Nankındegi ІІ jazǵy Jasóspirimder oıyndarynyń jeńispazdary men júldegerleri QR Premer-Mınıstriniń orynbasary Gúlshara Ábdihalyqovpen kezdeskenin atap ótken jón, kezdesý barysynda halyqaralyq jarystan ótken jeńimpazdar 1 mln. 820 myń teńgelik sertıfıkattar aldy.
