Nankın Olımpıadasy: Qazaqstandyq dzıýdoshy fınalǵa shyqty
ASTANA. QazAqparat - Qazaqstandyq dzıýdoshy Baýyrjan Jaýyntaev Nankın Olımpıadasynyń fınalynda baq synaıdy, dep jazady «Alaman» portaly.
Qytaıdyń Nankın qalasynda jasóspirimder arasyndaǵy ІІ Jazǵy Olımpıada oıyndary bastaldy. Baıraqty básekede dzıýdodan 55 kelide el namysyn qorǵaıtyn qazaqstandyq balýan Baýyrjan Jaýyntaev fınalda. Ol reıtıngine baılanysty jarysty birden jartylaı fınaldan bastady. Buǵan deıin ol túrkııalyq Ogýzan Karakany utty.
Qazaqstandyq sportshynyń kelesi qarsylasy ázerbaıjandyq Natıg Gýrbanlı bolmaq. Fınal Almaty ýaqyty boıynsha saǵat 16.00-de bastalady.
