NANKIN-2014: Úzdikterimiz jarys jolyna endi shyǵady
ACTANA. QazAqparat - Búgin Qytaıdyń Nankın qalasynda jasóspirimder arasyndaǵy ІІ jazǵy Olımpıada oıyndarynyń bastalǵanyna tórtinshi kún. Baıraqty básekeniń birinshi kúni dzıýdodan 55 keli salmaqta el namysyn qorǵaǵan sańlaǵymyz Baýyrjan Jaýyntaev Qazaqstan qorjynyna alǵashqy altyn medaldi salǵan bolatyn. Keshe jarys jolyna aýyr atletterimiz shyǵyp, ókinishke qaraı jerlesterimiz jeńis tuǵyryna synyq súıem jetpeı qaldy. Naqtyraq aıtsaq, ziltemirshi otandasymyz Mıhaıl Makeev tórtinshi oryndy ıelendi.
69 kelide baq baq synaǵan Makeev qola júldeni ıelenýge barynsha talpynyp kórdi. Ol julqa kóterýden 125 kelini baǵyndyrdy. Onyń ózin úshinshi múmkindiginde ǵana paıdalandy. Aldyndaǵy úsh qarsylasy jerlesimizden 7 keli artyq kóterdi. Al serpe kóterýden birinshi múmkindiginde 153 keli kóterse, ekinshi jáne úshinshi múmkindikterinde 166 kelini baǵyndyra almady. Sonymen qatar osy kúni aýyr atletshi arýlarymyz da baq synap, olardyń ishinen 58 kelide synǵa túsken Altynaı Dámen júldeli orynǵa bir taban jaqyndady. Onyń kórsetkishi 5- oryn.
Sondaı-aq, sporttyq gımnastıkadan óner kórsetken jerlesimiz Erbol Jantyqov on besinshi orynmen shekteldi.
Ázirshe qorjynymyzda 1 altyn madal bar. Osy bir altyn qazaq elin jalpy esepte 23-orynǵa shyǵaryp tur. Negizgi umit artqan sportshylarymyz aldaǵy kúnderi jarys jolyna shyǵady. Naqtyraq aıtsaq, Qazaqstannyń basty úmiti sanalatyn boksshylar men balýandar jarysqa 23-tamyzdan keıin shyǵady.
Al dodanyń kóshin 6 altyn, 1 kúmis, 6 qola jeńip alǵan jarys qojaıyndary Qytaı sportshylary bastap tur. Ekinshi orynda 5 altyn, 5 kúmis, 3 qola medal oljalaǵan Reseı sportshylary ıelenip tursa, úzdik úshtikti 4 altyn, 3 kúmis, 1 qola medal alǵan Italııa sportshylary qorytyndylap tur.
Jalpy, Qytaıdyń Nankın qalasynda jasóspirimder arasyndaǵy ІІ jazǵy Olımpıada oıyndarynda 14 pen 18 jas arasyndaǵy 3800 jasóspirim sportshy baǵyn synap jatyr. Negizinen jasóspirimder arasyndaǵy Olımpıada oıyndarynda jekeleı syndaǵy sport túrlerinde ár elge bes joldamadan artyq berilmeıdi. Bul dodanyń basty ereksheligi de - osy.
Esterińizge sala keteıik, «Aspanasty elinde» ótip jatqan dodada elimizdiń namysyn 21 sport túrinen 51 sportshy qorǵaýda. Al 2010 jyly Sıngapýrde ótken jasóspirimder arasyndaǵy І jazǵy Olımpıada oıyndarynda elimizdiń atynan 47 sportshy baryp, 20 sport túrinen synǵa túsken bolatyn. Onda Qazaqstan quramasy alty medal (2 altyn, 2 kúmis, 2 qola) oljalap, jalpy komandalyq resmı emes esepte 24- orynǵa turaqtaǵan edi.
Al bıylǵy el namysyn qorǵaıtyn órenderimizge 3 altyn, 3 kúmis, 9 qola medal jeńip alý maqsaty qoıylǵan.
Qazaqstan sportshylarynyń baq synap jatqan sport túrleri men joldamalar sany tómendegideı:
Boks - 4 joldama (4 múmkindikten); Kúres túrleri - 4 joldama (5 múmkindikten); Aýyr atletıka - 4 joldama (múmkindikten); Júzý sporty - 3 joldama; Velosport - 2 joldama; Qazirgi bessaıys - 2 joldama; Ústel tennısi - 2 joldama; Sadaq tartý - 1 joldama; Nysana kózdeý - 1 joldama; Astana qalasyndaǵy Olımpıadalyq daıarlaý ortalyǵy - 6 joldama (baıdarka men kanoede eskek esý, kórkem gımnastıka, taekvondo, jaǵajaı voleıboly); Almaty qalasyndaǵy Olımpıadalyq daıarlaý ortalyǵy - 13 joldama (dzıýdo, jeńil atletıka, batýtte sekirý, jaǵajaı voleıboly, sporttyq gımnastıka, trıatlon, semserlesý).
El namysyn qorǵap jatqan sportshylarymyzdyń tizimi: Kúnsultan Otarbaı
