NANKIN-2014: Boksshy Abylaıhan Júsipov fınalǵa shyqty
ASTANA. QazAqparat - Qazaqstandyq boksshy Abylaıhan Júsipov Qytaıdyń Nankın qalasynda ótip jatqan jasóspirimder arasyndaǵy olımpıada oıyndarynda fınalǵa joldama aldy.
Jastar arasyndaǵy álem chempıony Abylaıhan Júsipov (60 kg) jartylaı fınalda vengr boksshysy Rıchard Konnıýdi (Richard Konnyu) 3:0 esebimen jeńdi.
Endi otandasymyz 27 tamyzda ótetin fınalda kýbalyq Aleın Lımonta-Boýdetpen (Alain Limonta Boudet) qolǵap túıistiredi.
Búgin, sondaı-aq, 49 kelige deıin jáne 81 keli salmaq dárejesindegi boksshylardyń fınalda óner kórsetetinderi anyqtalady. Ol oryndarǵa qazaqstandyq qos boksshy Shalqar Aıqynbaı men Vadım Kazakov talasady.
