Nanıdiń qos goly «Aqtóbeni» Qazaqstan kýbogy shırek fınalyna alyp shyqty
ASTANA. KAZINFORM - «Aqtóbe» fýtboldan Qazaqstan kýbogynyń 1/4 fınalyna joldama aldy.
Jankúıerler bul kezdesýden tartysty oıyn kútti. Bıyl aldyna joǵary maqsat qoıyp otyrǵan komandalar jeńiske jetýge bar kúshin salatyny belgili edi. Sondyqtan alǵashqy mınýttan qarsylastar bir-biriniń qaqpasy mańynda tartysty oıyn órbitti. Soǵan qaramastan birinshi kezeńde olar esep asha alǵan joq.
Ekinshi kezeńde bıyl «Aqtóbe» sapyn tolyqtyrǵan portýgaldyq Nanı mergendigimen kózge tústi. Aldymen 59-mınýtta qaqpany dál kózdese, odan keıin 83-mınýtta taǵy bir márte mergendigimen tanyldy.
Oǵan 94-mınýtta semeılik klýbtan Ramazan Orazov bir golmen jaýap qaıyrdy.
Osylaısha «Aqtóbe» qarsylasynan 2:1 esebimen basym túsip, shırek fınalǵa joldama aldy.
Endi «Aqtóbe» 1/2 fınalda óskemendik «Altaı» komandasymen synǵa túsedi. Olar búgin qosymsha kezeńde jezqazǵandyq «Ulytaýdy» 4:3 esebimen tize búktirdi.
Aıta ketsek, budan buryn óz alańynda kókshetaýlyq «Oqjetpes» Astananyń «Jeńisine» 2:3, Pavlodardyń «Ertisi» petropavldyq «Qyzyljarǵa» 1:2, «Atyraý» Taldyqorǵannyń «Jetisýyna» 0:2, elordalyq «Astana» Qostanaıdyń «Tobylyna» 1:2 esebimen ese jiberse, Qyzylordanyń «Qaısary» almatylyq «Kaıratty» 2:1 eesbimen tize búktirdi.
Dál qazir birinshi kezeńnen keıin shymkenttik «Ordabasy» Aqtaýdyń «Kaspııin» 1:0 esebimen jeńip jatyr.
