Nan men un baǵasyn turaqtandyrý úshin óńirlerge 100 myń tonnadan astam bıdaı jóneltildi
ASTANA. QazAqparat - 2015 jyldyń 5 aıynyń qorytyndysy boıynsha, nan men unǵa baǵany turaqtandyrý maqsatynda «Azyq-túlik kelisim shart korporatsııasy» ulttyq kompanııasy» AQ respýblıkanyń óńirlerine jalpy kólemi 101 637 tonna astyq jóneltti. Bul týraly kompanııanyńbaspasóz qyzmetinen habarlady.
Aıta keteıik, bıdaı óńirlerge, QR Aýyl sharýashylyǵy mınıstrligi, oblys ákimshilikteri, Astana, Almaty qalalary jáne Azyq-túlik kelisim shart korporatsııasy arasynda, 1-shi surypty unnan jáne 2-shi surypty unnan daıyndalatyn qalypty nanǵa óńirlerdegi baǵany turaqtandyrý boıynsha sharalar týraly memorandýmdar sheńberinde jóneltiledi.
2015 jyldyń I toqsanynda astyq tonnasyna 43 000 teńgeden ótkizildi (ákimshilikterdiń astyq óńdeýshilerdiń shyǵyndarynyń bóligin odan ári sýbsıdııalaýymen). Astyqqa naryqtyq baǵalardyń tómendeýine baılanysty, II toqsanda bıdaı tonnasyna 40 000 teńge baǵa boıynsha jiberiledi.
