Nan qymbattady – mınıstr onyń birneshe sebebin atady

ASTANA. QazAqparat – Elimizde nan baǵasy qymbattady. Munyń sebebin QR Aýyl sharýashylyǵy mınıstri Erbol Qarashókeev túsindirdi, dep habarlaıdy QazAqparat tilshisi.

«Nanǵa qatysty ahýal mynadaı. 4 qazanda nan 11,9 paıyzǵa qymdattady. Aýyl sharýashylyǵy mınıstrligi men Azyq-túlik kelisimshart korporatsııasy qańtardan qyrkúıekke deın arzandatylǵan astyq, tonnasyn 90 myń teńgeden jetkizdi. Qazannan bastap jyldyń sońyna deıin óńirler jańa astyqty ózderi satyp alyp jatyr. Bıyl astyq baǵasy jyldyń ortasyndaǵy baǵamen salystyrǵanda birshama tómendedi», - dedi Erbol Qarashókeev Úkimet otyrysynan keıin BAQ ókilderiniń saýalyna oraı.

Mınıstrdiń aıtýynsha, nan baǵasynyń qymbattaýyna birneshe sebep bolýy múmkin.

«Elektr energııasy, kommýnaldyq qyzmetter qymbattap jatyr. Sondyqtan da jalpy baǵasy ósimi bar. Ony baıqap otyrmyz. Qańtardan bastap baǵany turaqtandyrý úshin barlyq is-sharany qabyldaımyz. Jalpy, baǵanyń kúrt kóterilýine negiz joq. Óıtkeni, un ótken jylmen salystyrǵanda molynan óndirilip jatyr. Bıdaı ortashajyldyq túsimen joǵary ekendigi anyq. Turaqtandyrý qoryna bıyl mıllıon tonna astyq jınaýdy josparlap otyrmyz. Onyń 900 myń tonnasy bıdaı bolady», - dedi ol.

Sonymen qatar mınıstr áleýmettik azyq-túliktiń barlyǵynyń, onyń ishinde áleýmettik unnyń baǵasy baqylaýda bolatyndyǵyn basa aıtty.