Nan baǵasyn turaqtandyrý jónindegi memorandýmdardyń sharttary tıisti deńgeıde oryndalmaýda-A. Kúrishbaev
/em>Qazannyń 12-si. QazAqparat /Marlan Jıembaı/ - Nan baǵasyn turaqtandyrý jóninde qol qoıylǵan memorandýmdardyń sharttary tıisti deńgeıde oryndalmaı jatyr.
Bul týraly búgin Úkimet otyrysynda Aýyl sharýashylyǵy mınıstri Aqylbek Kúrishbaev aıtty.
Onyń sózine qaraǵanda, qol qoıylǵan memorandýmdarǵa sáıkes, ákimdikter qazan aıynda 223 myń tonna bıdaı alýǵa kelisimshart jasaýlary qajet bolatyn. Alaıda, qazirgi ýaqytta is júzinde 118 myń tonnaǵa ǵana kelisimsharttar jasalǵan. Al, osy jasalǵan kelisimsharttardyń tek 45 myń tonnasyna nemese 20 paıyzyna ǵana aqsha tólengen. «Al Aqmola, Shyǵys Qazaqstan, Jambyl, Qostanaı oblystary jáne Astana qalasy turaqtandyrý qorynan astyqty áli satyp alǵan joq. Nátıjesinde dál osy aımaqtarda nan baǵasynyń kóterilýine jol berilgen», - dedi A. Kúrishbaev.
