«Nan baǵasymen «oınaǵandar» abyroı tappaıdy» - respýblıkalyq basylymdarǵa sholý

***

«Shildeniń 20-ynda Mańǵystaý oblysyna jumys saparymen kelgen QR Premer-Mınıstri Kárim Másimov birden «Shopan ata» mádenı eskertkish keshenine jol tartty. Munda aımaqtyq «Mádenı mura» baǵdarlamasymen tanysty. Respýblıkalyq mańyzdaǵy eskertkish - «Beket ata» jerasty meshitine sapar barysynda Úkimet basshysyna Beket atanyń aǵymdaǵy jyly atalyp ótetin 260 jyldyq mereıtoıyna daıyndyq sharalary tanystyryldy», dep jazady «Egemen Qazaqstan» basylymy. Premer-Mınıstrdiń osy jolǵy batys óńirine jasaǵan jumys sapary nelikten Mańǵystaý oblysynan bastalǵanyn bilgińiz kelse, «Egemen Qazaqstan» basylymyndaǵy «Qazynaly túbektiń qarymdy jobalary» atty maqalany oqyńyz.

Sondaı-aq basylymda «Aýǵanstan ahýalyna álem alańdaıdy» atty materıal jaryq kóripti. Onda avtor EQYU-nyń Іs basyndaǵy tóraǵasy, QR Memlekettik hatshysy-Syrtqy ister mınıstri Qanat Saýdadabaev Aýǵanstan astanasy Kabýl qalasynda osy eldegi jaǵdaıǵa baılanysty ótkizilgen halyqaralyq konferentsııaǵa qatysqany jaıly jazady. Konferentsııada Hamıt Karzaı óz sózin 2014 jylǵa deıin koalıtsııa áskeri aýǵan aýmaǵynan kezeń-kezeńimen shyǵyp bolyp, eldiń qaýipsizdigin óz qoldaryna alatyndaryn aıtqan. Búgingi kúnde deıin úkimet túrli top jetekshilerimen kezdesip, olar da osy pikirge oıysady degen oıyn jetkizip, aýǵan halqyna el ekonomıkasyn kóterý úshin álemdik qaýymdastyqtyń qarjylaı kómegi óte qajet ekenine ekpin túsirdi.

***

«Qystyń qamyn jaz oıla» demekshi, «bıdaı baǵasy qymbattaıdy» degen sybys shyǵysymen, jaýapty mekemeler saqtyq sharalaryn álden jasaı bastapty. Básekelestikti qorǵaý agenttigi tóraǵasynyń orynbasary Borıs Parsegov bıdaı baǵasy qymbattaǵan jaǵdaıda nannyń baǵasyn kóterý týraly esep-qısaptardy daıyndap qoıǵanyn súıinshiledi. «Premer-Mınıstrdiń birinshi orynbasary Ómirzaq Shókeevtiń tapsyrmasy boıynsha, Besekelestikti qorǵaý agenttigi eger bıdaıdyń 1 tonnasynyń baǵasy 120-180, tipti 250 dollarǵa deıin kóterilgen jaǵdaıda, nan baǵasynyń ósýi týraly boljamdyq esep-qısaptardy jasady. Osyndaı jaǵdaı bolǵan kúnniń ózinde respýblıka boıynsha nan baǵasy ary ketkende 5 teńgege qymbattap, ortasha baǵa 37 teńge bolady», - dedi B. Parsegov», dep jazady «Alash aınasy» basylymy búgingi sanynda. Osy máselege baılanysty Úkimet basshysynyń tapsyrmasy jaıynda, sondaı-aq Jambyl oblysynda nan baǵasy nelikten qymbattaǵany týraly bilgińiz kelse. «Nan baǵasymen «oınaǵandar» abyroı tappaıdy» degen maqalany oqyńyz.

Munymen qosa osy basylymnyń habarlaýynsha, jýyrda Qazaqstannyń Qarjy mınıstrliginiń jetekshi qyzmetkerleri óz tabystaryn jarııalady. «Atqaminerler aılyǵyn jatqa biler kim bar?» taqyrybyndaǵy materıalda Tabys deklaratsııasy degen - múldem bólek nárse ekenin, ıaǵnı ol sheneýniktiń tek resmı jalaqysy ǵana emes, jalpy kirisin qamtý kerektigin jarııalap otyr.

***
«Bir jyl boıy «Bas saraı kúrdeli jóndeý jumystaryna jabylady, joq jabylmaıtyn bolypty» degen daqpyrt eldiń basyn ábden qatyrǵan edi. Ásirese, birqatar óner adamdary esep berip, úlgerýge tyrysyp, qaryzdanyp-qaýǵalanyp ábigerge tústi. Tipti sońǵy aılarda bas sahnada bos kún emge tabylǵan joq. Kún qurǵatpaı kontsert kórip, qaryq boldyq. Aqyry mamyr aıynyń sońynda Respýblıka saraıy óz jumysyn toqtatty. Odan beri eki aıdyń júzi jaqyndap qaldy», deı kele maqala avtory bas sahnanyń jóndeý jumystyrynyń mán-jaıyna keńinen toqtalady. Avtordyń osy máselege baılanysty qalam tartqan oıyn bilgińiz kelse, «Aıqyn» basylymyndaǵy «Saraı jabylyp, jurt qamyǵyp...» atty maqalany oqyńyz.

Sonymen qatar osy basylym tilshileri Q. Qýanyshbaev atyndaǵy qazaq mýzykalyq drama teatrynyń dırektory Erkin Jýasbekpen suhbat uıymdastyrypty. Onda dırektor «jaqynda sizderdiń gezetterińizde Ákim Tarazı aǵamyz taǵy bir pikirdiń ushyn shyǵardy. «Búgingi teatrlar nege qyzyq emes, qaıtkende tetrlar keremet deńgeıge kóteriledi» degen oıǵa, óziniń usynysy retinde «Teatrlardyń bárin túgeldeı jekemenshikke shyǵarý kerek, sondaı teatrlar ózi úshin akter tańdaıdy, jaqsy dramatýrgterdiń shyǵarmalary qoıylady» degen pikir aıtqan»,- deıdi. E. Jýasbektiń osy pikirge qatysty oıyn men basqa da túıtkildi máselelerge qatysty pikirin bilgińiz kelse, basylymnyń búgingi sanyndaǵy «Respýblıkalyq teatr dárejesine laıyqpyz» atty suhbatty qarańyz.

***

«Lıter» basylymy búgingi sanynda Qyrǵyzstandaǵy ekonomıkalyq problemalar men osy eldiń syrttan ınvestıtsııa tartýy múmkindigi jaıynda Ekonomıkalyq zertteýler ınstıtýtynyń Makroekonomıkalyq taldaý jáne boljaý ortalyǵynyń dırektory Sara Alpysbaevanyń suhbatyn áńgimeleıdi. Atalǵan suhbatta Qazaqstanǵa búginde qysqa merzimdi tabystan góri, turaqty ári gúldengen kórshiles memleket bolǵany artyq ekeni aıtylǵan. Olaı bolmasa óńirde «kóleńkeli ekonomıka» saldarynyń kúsheıý múmkin, onyń ishinde zańsyz taýar aınalymy men Qyrǵyzstan arqyly Qytaı taýarlarynyń tasymaldanýy oryn alýy yqtımal. Keden odaǵyna kirgennen bastap bul másele ózektilikke ıe ekenin jazady basylym.

***

«Kazahstansakaıa pravda» búgingi sanynda ushaqtardyń áýedegi qaýipsizdigi turǵysyndaǵy máseleni jazady. Osy oraıda Astanada «Qazaeronavıgatsııa» RMK bas dırektory men onyń nemis áriptesi, ıaǵnı DFS kompanııasy dırektorlarynyń tóraǵasy áýe qozǵalysyn basqarýdy uıymdastyrý jáne ushý qaýipsizdigin qamtasyz etý máselesin talqylaǵanyn habarlaıdy basylym. Sondaı-aq gazettiń osy nómirinde «Kazahstansakaıa pravda» tilshisi DFS kompanııasy dırektorlarynyń tóraǵasy Dıter Kadenmen osy salanyń qyr-syry jaıynda suhbat alǵan. Áýe qatynastary turǵysynda Qazaqstan kompanııasy men nemis kompanııasynyń arasyndaǵy ózara yntymaqtastyq jaıynda bilgińiz kelse osy materıaldy oqyńyz.