Nan baǵasy qymbattamaıdy - A.Mamytbekov

ASTANA. QazAqparat - Dollarǵa qatysty teńge baǵamynyń túzetilýine baılanysty nan baǵasy qymbattamaıdy. Bul týraly búgin Ortalyq kommýnıkatsııalar qyzmetinde ótken brıfıngte QR Aýyl sharýashylyǵy mınıstri Asyljan Mamytbekov málim etti.

«Nan baǵasy týraly aıtar bolsaq, úkimettiń de, memlekettik kompanııalardyń da qazirgi baǵany ustap turýǵa barlyq múmkindikteri bar. ıAǵnı birinshi surypty nan baǵasynyń ósýi týraly áńgime múlde bolmaıdy. Bul úshin aldyn ala jasalǵan mehanızmder men múmkindikter bar. Azyq-túlik kelisimshart korporatsııasynyń qorynda 1,5 mln tonna astyq bar, eger qajet bolǵan jaǵdaıda, úkimet bul astyqty baǵany ustap turý úshin bóletin bolady. Qazir naryq baǵasy bir qalypty jáne baǵany kóterýdiń eshbir negizi joq», - dedi A. Mamytbekov.