Namysymyz qaıda – Prezıdent ımporttyq dárilerge táýeldilik jaıly

NUR-SULTAN. QazAqparat - Qazaqstan Prezıdenti Qasym-Jomart Toqaev Sall-ortalyqtardyń táýlik boıy qyzmet kórsetýin qamtamasyz etip, jumysyn kúsheıtý kerektigin tapsyrdy, dep habarlaıdy QazAqparat tlshisi.

«SQ Farmatsııa» kompanııasyn bilikti mamandarmen qamtamasyz etý máselesin sheshý qajet. Qazaqstanda dári men medıtsınalyq buıymdardyń kóptegen túrin óndirýdi jolǵa qoıatyn kez keldi. Qashanǵa deıin ımporttyq dárilerge táýeldi bolamyz? Namysymyz qaıda?» - dedi Qasym-Jomart Toqaev Úkimettiń keńeıtilgen otyrysynda.

Prezıdenttiń aıtýynsha halyqty úreı men qorqynysh bılegen.

«Tipti olar ózderine qajet emes dárilerdi de satyp alyp jatyr. Adamdar áleýmettik jelidegi ártúrli kúmándi aqyl-keńesterge qulaq asýda. Sall-ortalyqtardyń táýlik boıy qyzmet kórsetýin qamtamasyz etip, jumysyn kúsheıtý kerek», - dedi ol.