«Namys» partııasy qujattaryn qaıta tirkeýge berdi

ASTANA. QazAqparat – QR Ádilet mınıstri Qanat Mýsın Senat kýlýarynda jańa saıası partııalardy tirkeý protsesi qalaı júrip jatqany týraly málimet berdi, dep habarlaıdy QazAqparat tilshisi.

«Buǵan deıin Ádilet mınıstrligine qujat tapsyrǵan úsh partııanyń ekeýi áli ózderiniń uıymdastyrý jumystaryn ótkizip jatyr. Al «Namys» óz qujattaryn qaıta tirkeýge berdi. Óıtkeni olarǵa buryn bergen habarlama tıisti jumystar ýaqytynda aıaqtalmaǵandyqtan kúshin joıdy. Qazir qaıtadan jumystaryn uıymdastyryp jatyr», - dedi mınıstr.

Sondaı-aq, ol «Alǵa, Qazaqstan» partııasy nege tirkeýge alynbaı jatqanyn túsindirdi.

«Alǵa, Qazaqstan» partııasynyń máselesi belgili. Olardyń tapsyrǵan qujattary zańǵa sáıkes kelmeıdi, sondyqtan qabyldanǵan joq. Ol partııany uıymdastyrýshy top Ádilet mınıstrliginiń áreketi zańǵa sáıkes kelmeıdi dep sotqa bergen. Sottyń sheshimi boıynsha bizdiń sheshimizdi zańdy dep tanyldy.

Zań boıynsha uıymdastyrý toby men bastamashy 1000 adamnyń ishinde áskerı adamdar, quqyq qorǵaý organdarynyń adamdary, kámeletke tolmaǵan adamdar bolmaýy kerek. Sol tizimderinen osyndaı buzýshylyqtar olar qujat tapsyrǵan saıyn tabylyp jatyr. Olar ózderiniń qujattaryn durystap, zańnyń talabyna sáıkes keltirmese, árıne, sheshim sondaı bolady», - dedi Ádilet mınıstri.