Namıbııada jalpyhalyqtyq saılaý ótip jatyr

ASTANA. KAZINFORM — Afrıkanyń ońtústigindegi Namıbııa eliniń turǵyndary prezıdent pen Ulttyq assambleıa múshelerin saılaý úshin saılaý ýchaskelerine aǵylyp jatyr, dep habarlaıdy Anadoly aqparat agenttigi.

Namıbııada shamamen 1,5 mln saılaýshy tirkelgen. Daýys berý jergilikti ýaqyt boıynsha tańǵy saǵat 07:00-de bastalyp, 21:00-ge deıin jalǵasady.

1990 jyly Namıbııa táýelsizdik alǵannan beri jetinshi jalpyǵa ortaq saılaýda prezıdent pen 104 oryndyq Ulttyq assambleıanyń 96 múshesi anyqtalady. Ulttyq assambleıanyń segiz múshesin keıinirek Prezıdent taǵaıyndaıdy. 

Saılaýdyń beıresmı qorytyndylary daýys berý keshki saǵat 21:00-de jabylǵannan keıin belgili bolady dep kútilip otyr. 

Eki kezeńnen turatyn prezıdenttik saılaýǵa 15 úmitker qatysyp otyr. Bılikte 34 jyl bolǵan Ońtústik-Batys Afrıka halyq uıymynyń kandıdaty, vıtse-prezıdent Netýmbo Nandı-Ndaıtva jeńiske jetken jaǵdaıda tuńǵysh áıel prezıdent bolady.

Onyń básekelesteri arasynda negizgi oppozıtsııalyq Halyqtyq- demokratııalyq qozǵalys (HDQ) kandıdaty MakGenrı Venaanı men «Ózgeris úshin táýelsiz patrıottar» (IPC) kandıdaty Pandýlenı Itýla bar.

Eske salsaq, Grýzııa 14 jeltoqsanda prezıdent saılaýy ótetini habarlandy.