Namıbııada Adolf Gıtler esimdi sheneýnik óńirlik saılaýǵa qatysyp jatyr
ASTANA. KAZINFORM — Namıbııada Ompýndıa okrýginiń basshysy Adolf Gıtler Ýýnona esimdi jergilikti saıasatker qoǵam nazaryn ózine aýdartty, dep habarlaıdy BILD basylymy.
Ol BILD-ke 26 qarashada ótetin óńirlik saılaýǵa qatysatynyn rastady. Adolf Gıtler Ýýnona bul okrýgti 2004 jyldan beri basqaryp keledi jáne 2020 jyly ol shamamen 85 paıyz daýyspen qaıta saılanǵan.
Sońǵy jyldary sheneýnikke qysym kúsheıe tústi: turǵyndar aýdannyń damýynda toqyraý baryn jáne ınfraqurylymnyń joqtyǵyn aıtyp shaǵymdanǵan.
Namibian jergilikti gazeti bir saılaýshynyń myna sózin keltiredi: «Biz oǵan jumysta karta oınasyn dep emes, qyzmet atqarsyn dep jalaqy tóleımiz».
Álemniń túkpir-túkpirinde nazar aýdartqan bul esimniń shyǵý tegin Ýýnona ákesiniń tarıhı mán-maǵynasyn túsinbegenimen túsindiredi. Ol óziniń natsıstik qylmystarmen eshqandaı baılanysy joq ekenin atap ótip, kópshilik aldynda tek Adolf esimin ǵana qoldanatynyn málimdedi.
Eske sala ketsek, Argentınada Gıtlerdiń qoly qoıylǵan qujattar tabylǵanyn jazdyq.