Namıbııa ekonomıkalyq únemdeý sharalary aıasynda memlekettik jerleý rásimderin toqtatty

ASTANA. KAZINFORM — Namıbııa úkimeti memlekettik jerleý rásimine ýaqytsha tyıym saldy, dep habarlaıdy BBC.

Moratorıı 2026 jyldyń sáýirine deıin kúshinde bolady.Úkimet bul sheshimniń sebebin túsindirmedi, biraq eldegi mundaı jerleý rásimderiniń qymbattyǵy ótkir synǵa ushyrady.

Namıbııada sońǵy jylldarda memlekettik jerleý rásimderi kúrt ósti. 2022-2023 qarjy jylynda 23 adam memleket uıymdastyrǵan saltanatty sharalarmen jerlenip, bıýdjetten shamamen 120 myń dollar jumsalǵan.

2024-2025 qarjy jylynda shyǵystardyń bul túri 2,2 mıllıon dollardy quraıtyny atap ótildi. Aqpan aıynda qaıtys bolǵan eldiń tuńǵysh prezıdenti Sem Nýıomany jerleýge úkimet 1,7 mıllıon dollar jumsady.

Aqparat jáne kommýnıkatsııalar mınıstri Emma Teofelýs úkimet 2026 jyldyń sáýir aıyna deıin «memlekettik jerleý rásimderin ótkizý quqyǵyn berý protsesteri men krıterıılerin» zerdeleý úshin arnaıy komıssııa taǵaıyndaıtynyn aıtty. Alaıda eger joǵaryda kórsetilgen merzimge deıin memlekettik jerleýdi talap etetin jaǵdaı týyndasa, Namıbııanyń is júzindegi prezıdenti moratorııdi shettep ótip, ruqsat berýge quqyly.

Eske sala keteıik, Qyrǵyzstanda toı men jerleý rásiminde ysyrapshyldyq úshin aıyppul salynady.